LIGJET E BIZNESIT
Policia e Shtetit njoftoi sot përmes një deklarate për mediat se mbrëmjen e djeshme, është vënë në pranga, një tjetër i dyshuar si autor në grabitjen e 9 prillit.
Ai është Elton Pikli nga Kruja. 32-vjeçari punonte si kasap në Krujë. Policia e Shtetit njofton se ai “është prangosur mbrëmë në mesnatë”.
Sipas, Shqiptarja.com Pikli nuk është kapur në Bullgari sikur ishin informacionet e para kontradiktore, por në Qafë Thanë. Krutani po vinte nga Bullgaria, në momentin që është prangosur.
Ai ka qenë i shpallur në kërkim për një cështje falsifikimi, ndërsa është arrestuar. Emri i tij duket se ka dalë pas dëshmisë së të penduarit, ose i kanë dalë gjurmët e gishtave te furgoni që autorët dogjën pas grabitjes.
Me arrestimin e fundit shkon në pesë numri i personave të kapur (dy autorë dhe tre bashkëpunëtorë), ndërsa shtatë vijojnë që të jenë ende në kërkim, mes tyre Klement Çala, vëllai i tij Eldi Çala dhe një ish-polic, Mareglen Hoxha.
