Kërcënon Balla: Deri në 8 vite burg për ata që prishin zgjedhjet

Sot në fjalën e tij në Parlament, kreu i grupit socialist, Taulant Balla, përsëriti edhe një herë qëndrimin e maxhorancës se zgjedhjet e 30 qershorit do të zhvillohen dhe kushdo që i pengon ato do të përfundojë prapa hekurave.

Sipas tij, kush hakërrehet se në Shqipëri nuk do të zhvillohen zgjedhje, duhet ta dijë se nuk ka më budallenj që futen në burg për Sali Berishën apo Bashën. “Kush guxon të dëmtojë material zgjedhor thotë kodi penal, dënohet me burgim nga 6 muaj deri në 8 vjet. Kur ka sjellë pasoja të rënda në mbarëvajtjen e zgjedhjeve dënohet nga 3 deri në 8 vjet. Nuk ka më budallenj që të dëgjojnë Lulin ose Monikën”, tha ai.