LIGJET E BIZNESIT
Ish-zv.ministrja e Financave, Irena Beqiraj ka komentuar situatën ekonomike në vend, si dhe borxhin publik. E ftuar në emisionin A-Show, ku u pyet për shifrën e saktë të borxhit publik, Beqiraj zbuloi se shteti shqiptar ka rreth 8.6 miliardë euro detyrime. Sipas ish numrit dy të financave, ky vit do të jetë një sfidë për ekonominë.
“Financat janë në kontroll por do të kenë një vit sfidë. Rritja ekonomike është shënuar me ulje 3.8 %. Kapitali ynë njerëzor prodhon pak. Kemi pasur një periudhë konsolidimi fiskal i cili ishte i vështirë”, u shpreh Beqiraj.
Ai tregoi edhe sesa është shifra e borxhit që rëndon sot mbi Shqipërinë. “I gjithë borxhi, mund të ta them është 1.035 trilion lekë. Nëse do ta ktheja në euro është 8.6 miliardë euro”, tha Beqiraj.
Ish zv.ministrja komentoi edhe kontratat e Partneritetit Publik Privat.
“PPP në fakt kanë ndërtuar Anglinë , Kanadanë së fundmi po përdoren edhe në Amerikë. Janë një formë e sofistikuar që duhet përdoren. Por në të njëjtën kohë qeveria duhet të ketë më kujdes në përdorimin e tyre.
Elementi i dytë është aftësitë negociuese. PPP duhet të përdoren me efektivitet. administrata duhet të ketë njohuritë e nevojshme dhe aftësi negociuese.
Varet nga shefi i tyre nga ministri, që të angazhojë zv.ministrat. Unë nuk e antipatizoj zotin Ahmetaj. Po të mësoj diçka që më ka mësuar babai im njeriu i fortë nuk merret me njeriun e dobët, dobësia është diçka që nuk ndreqet”, u shpreh Beqiraj.
