Gazetari Hoxha tregon për milionat e eurove

Supergrabitja e Rinasit është komentuar nga gazetari Artan Hoxha në studion e “Opinion”.

Hoxha ka pohuar se gjetja e miliona eurove të grabitura në Rinas më 9 prill është thuajse të pamundur. Ai dha një version se çfarë mund të ketë ndodhur me paratë.

“Në orën 1 pas mesnate, dmth pas grabitjes së 9 Prillit kanë lëvizur dy makina, në atë vendin ku ka qenë tuneli që u dogj makina. Sasia e parave nuk është çuar në një vend, mund të jenë ndarë. Kjo është një punë e vështirë për gjetjen e tyre” tha gazetari.

Ndërkohë, hetimet për grabitjen e Rinasit kanë nxjerrë në dritë një emër tjetër. Bëhet fjalë për 31-vjeçaren E.Bici. Kjo e fundit ka qenë punonjëse e policisë së shtetit në vitin 2015 dhe më pas është shkëputur me dëshirën e saj.

Sipas prokurorisë për Krime të Rënda, Bici dyshohet se ka bërë lëvizjen e parave nga makina me të cilën u larguan grabitësit, në një vend tjetër.

Gjithashtu mendohet se ajo ka djegur edhe makinën në Bathore, për të shpërqëndruar policinë. Por gazetari Artan Hoxha ka nxjerrë në dritë disa detaje të forta. Në media informacioni që po luhetditët e fundit me këtë vajzën, ka të dhëna që nuk janë në dosje.

“Një gjë tjetër që po vë re për shkak të interesimit të madh, shoh një informacion që po shpërndahet në media për karrem. Informacioni që është luajtur ditët e fundit me këtë vajzën ka të dhëna që nuk janë në dosje, nuk përputhen.”-tha Hoxha.