LIGJET E BIZNESIT
Janë mbi 137 mijë biznese që nuk paguajnë dot taksat dhe tatimet. E thënë ndryshe, janë debitorë tek Drejtoria e Përgjithshme e tatimeve. Një situatë alarmante që flet për vështirësitë e biznesit dhe rrjedhimisht, edhe administratës tatimore. Kjo pasi borxhi tatimor ka arritur në nivele rekord.
Sipas Fondit Monetar Ndërkombëtar, deri në tetor të 2018-ës, bizneset i kishin detyrime të papaguara ndaj administratës tatimore në shumën e 107.2 miliardë lekë, ekuivalent me 864 milionë euro.
FMN evidenton se ky borxh erdhi duke u ulur deri në 2017-ën, për të pësuar vitin e kaluar (2018-ën) një tjetër rritje të ndjeshme.
Ish-zëvendësdrejtori i përgjithshëm i Tatimeve, Flobenc Dilaveri deklaron se mbledhja e këtij borxhi do të ndihmonte tatimet të rrisnin të ardhurat dhe qeverinë, që të mos ndërhynte më tek taksat.
