“Dita e Tokës”, Presidenti Meta: Ndërtimet pa kriter, një regres që duhet të marrë fund!

Presidenti Ilir Meta, në kuadër të “Ditës së Tokës” ka bërë apel për dhënien fund të ndërtimeve pa kriter dhe dëmtimit të kurorës së gjelbër. Përmes një postimi në profilin e tij zyrtar në “Facebook”, Meta kërkon nga shoqëria shqiptare një kujdes të veçantë që të punojë e të kontribuojë për një të ardhme më të shëndetshme të brezave.

“Të gjithë jemi dëshmitarë se si kurorat e gjelbërta, që duhet të ishin mushkëria e pacenueshme e qyteteve tona, fatkeqësisht janë dëmtuar nga ndërtimet pa kritere, një regres që duhet të marrë fund! Ta bëjmë tokën një vend më të mirë për të jetuar!”, shkruan kreu i shtetit.