Denoncimi/ Në 4.30 të mëngjesit, skuthi Veliaj hoqi shkronjat e Teatrit Kombëtar

Disa ditë më parë Aleanca për Mbrojtjen e Teatrit ka denoncuar, se gjatë natës janë hequr gërmat nga godina e Teatrit Kombëtar.

Së fundmi aktorët kanë denoncuar se punonjësit e Bashkisë Tiranë kanë vajtur që rreth orës 4.30 të mëngjesit për të hequr gërmat nga fasada.  Ata kanë publikuar edhe një foto ku duken punonjësit teksa heqin shkronjat.

Ky veprim ka ardhur 9 muaj nga votimi në parlament i ligjit që i hap rrugë shembjes së Teatrit Kombëtar.

Ndërkohë, artistë dhe qytetarë vijojnë protestën e tyre simbolike, me shpresën do të arrijnë që të shpëtojnë godinën e vjetër, që sipas tyre është një pasuri për kujtesën qytetare.

“Kur drejtuam gishtin e akuzës nga kryetari i bashkisë së Tiranës, Erion Veliaj, si personin që kishte urdhëruar këtë akt, nuk po spekullonim. Kishim deklarime nga vetë punonjësit e turnit të tretë, që na e kishin thënë me zë: ishin punonjësit e Bashkisë Tiranë që erdhën rreth orës 4.30 të mëngjesit e hoqën gërmat nga fasada.

Tani është me zë e me figurë, skuthi, vemja, armiku i trashëgimisë dhe historisë së Tiranës, Erjon Veliaj! Turp është pak të thuash për këtë njeri pa skrupuj!”, shprehen artistët.