“Daja” nga Kosova para Krimeve të Rënda, mëson masën e sigurisë

Gjykata për Krime të Rënda la në burg pa afat Ragip Hajdinin, kosovarin e arrestuar disa ditë më parë si pjesë e grupit të grabitësve të Rinasit.

Ai ishte personin i gjashtë i arrestuar në lidhje me grabitjen e ndodhur më në 9 prill në aeroportin e Rinasit. Hajdini është identifikuar nga Alkond Bengasi, ndërsa konsiderohet si njohje dhe mik i Admir Muratajt.

Gjykata dha masën “arrest me burg” për Ragip Hajdinin, i njohur si “Daja” nga Kosova, i cili dyshohet se ka ndihmuar autorët e kësaj ngjarje, ku u grabitën miliona euro.

Ai fshihej te Shkëmbi i Kavajës, ndërsa ka ndihmuar në logjistikë, por dyshohet edhe se ka strehuar disa pjesëtarë të grupit pas grabitjes së 9 prillit në brendësi të aeroportit të Rinasit.

Ragip Hajdini rezulton me precedentë të ngjashëm penalë edhe në Kosovë, aty ku ka qenë i dyshuar për grabitjen e 25 kg flori nga Dhoma e Dëshmive në Policinë e Pejës, bashkë me 5 persona të tjerë në vitin 2012.

Nga ana tjetër, Policia ka vazhduar operacionin për gjetjen e parave të grabitura, duke kryer kontrolle në disa objekte, për të cilat ka pasur indicie.