Ish-Presidenti i Republikës, Bujar Nishani, kryetar i Këshillit Kombëtar të PD-së ka bërë një deklaratë të fortë teksa u pyet në emisionin Open për partinë e re të Astrit Patozit “Bindja Demokratike”. Nishani deklaroi se themelimi i kësaj partie të re nuk është një zhvillim real, por i stisur.
“Ne jemi vend i lirë dhe kushdo mund të përfshihet në politike, por këtu çështja është gjetkë. Edi Rama ka 20 vite në pushtet dhe nuk ka ofruar asnjë shërbim e kontribut publik”, u shpreh Nishani.
Ish Presidenti ka shtuar se Rama ka vite që financon për asgjësimin e opozitës, siç po e bën sipas tij, dhe me këtë lëvizje.
