“Bodigardi i Ramës bëhet shef”, Boçi: Cubi bërtiste e godiste këdo

Partia Demokratike ka bërë një tjetër akuzë në drejtim të kryeministrit Edi Rama.

Luçiano Boçi, ish-deputeti i Partisë Demokratike, me anë të një postimi në rrjetet sociale, ka denoncuar njërin nga policët, i cili ka qenë i armatosur dhe një nga protagonistët më aktiv në dhunën e ushtruar ndaj protestuesve, që i zunë rrugën kryeministrit Rama.

Sipas ish-deputetit, bëhet fjalë për efektivin Armand Muça, dhe në fotot e publikuara nga Boçi pretendohet se ka shërbyer për një kohë të gjatë edhe si truprojë e kryeministrit Edi Rama.

Reagimi i plotë i Luçiano Boçit:

BADIGARDI I RAMËS QË U BĒ SHEF
Dhunuesi më aktiv në protestën për ardhjen e Ramës në Elbasan, ishte shefi i ri i rendit.
I armatosur dhe me sjellje prej cubi, ai bërtiste dhe godiste këdo.
Kjo gjë shkaktoi një valë reagimesh aty, por dhe më pas në rrjet.
Po cili është ky personazh?
Është ARMAND MUÇA.
Për një kohë të gjatë ka qenë badigard i vetë Edi Ramës.
Pozon me armatim të rëndë dhe shpërndan faqet e Ramës.
E ç’pritet nga ky tipi?
Ka ardhur në Elbasan me mision.
Për protestat, por dhe për zgjedhjet që janë tek dera.
Kjo është policia e “depolitizuar” që heq kapelet për votat.
Sejmenët i janë turrur qytetarëve dhe zgjedhjeve.