Partitë aleate të opozitës do të takohen nesër me presidentin e vendit, Ilir Meta. Lajmi është bërë i ditur nga kryetari i PBDNJ-së, Vangjel Dule. Ai foli pas takimit të zhvilluar pasdite me partitë aleate tek selia e Partisë Demokratike.
Dule e cilësoi takimin si diçka “në vazhdën e aktivitetit të përbashkët opozitar ”dhe deklaroi se nesër në orën 11 liderat e partive opozitare do të paraqesin platformën e dakordësuar, që sipas tij “përben një bazë të mirë për të nisur përpjekjen nga të gjitha palët, dhe të arritur konsensusin që duhet në vend”.
Dule bëri edhe një referim samitit që po zhvillohet në Berlin. “I ndoqët ngjarjet në Berlin. Asnjeri nuk koncepton si normale situatën në vendin tone. Zgjedhje me një palë nuk duhet dhe nuk do të ketë në vend, prandaj duhet të kapitalizojmë në favor të perspektivës evropiane të vendit. Arroganca dhe prepotenca e zotit Rama nuk i shërben këtij objektivi”, përfundoi Dule.
