Aksionet e bashkisë në futboll, Veliaj tregon çfarë do të ndodhë me to

Bashkia e Tiranës do të nxjerrë në treg për shitje paketën e saj prej 36% të aksioneve që zotëron për klubin e futbollit. Ky fakt është bërë i ditur nga kryebashkiaku Erjon Veliaj, në një prononcim për “ABC News”.

“Na është kërkuar edhe nga aksioneri i shumicës, por edhe nga tifozët që klubi të jetë i lirë, të marrë vendimet e veta.

Ne do t’i ofrojmë për shitje ato aksione.

Besoj se me atë kënaqen të gjithë. Nuk ka asnjë alibi për vendimmarrje. Për sa kohë që kanë 100 % të vendimmarrjes së tyre, t’i marrin dhe aksionet e Bashkisë, nuk kam asnjë problem”, u shpreh Veliaj.