Vrau kunatën, pranon krimin: Dyshoja se shkonte me persona të tjerë

Ka dalë sot para Gjykatës së Krimeve të Rënda, Dashamir Xhepa, i cili u akuzua për vrasjen e kunatës së tij Lirie Xhepa në 14 shkurt në liqenin e Sharrës. Gjykata ka vendosur ta lë në burg Xhepën për vrasjen e kunatës.

40-vjeçari ka pranuar krimin e kryer më 13 shkurt pranë kodrave të liqenit të Sharrës në Tiranë.

Ai ka treguar se me nusen e vëllait ka pasur konflikte pronësie, por edhe se kishte dyshime kishte lidhje intime me persona të tjerë.

Në sajë të informacioneve të marra në rrugë operative shërbimet e policisë lokalizuan vendndodhjen e autorit të dyshuar, Dashamir Xhepa rreth 40 vjeç, dhe mëngjesin e 26 shkurtit bënë kapjen e tij në qytetin e Peshkopisë ku dhe strehohej pas krimit.