Vlorë/ Digjet gjatë natës makina e punonjëses së Tatimeve

Një automjet është përfshirë nga flakët në qytetin e Vlorës. Ngjarja ka ndodhur rreth orës 05:00 të mëngjesit të sotëm, në lagjen “Pavarësia”, ku automjeti ishte i parkuar.

Bëhet fjalë për një benz me targa AA928TZ, i cili është shkrumbuar tërësisht nga flakët.  Mësohet se makina ishte në pronësi të një punonjëse të tatimeve në Vlorë me inicialet M.B.

Policia ndodhet në vendin e ngjarjes, ku po heton edhe për shkaqet. Burime bëjnë të ditur se grupi hetimor dyshon për zjarrvënie të qëllimshme.