Tritoli ndaj biznesmenit në Vasil Shanto, identifikohet autori

Dalin detaje të reja lidhur me shpërthimin me tritol që ndodhi mbrëmjen e djeshme në zonën e Vasil Shantos në kryeqytet. Shpërthimi ka qenë mjaft i fuqishëm dhe ka tronditur zonën, ndërsa Policia në një njoftim thotë se e ka identifikuar autorin dhe është vënë në kërkim të tij.

Ka disa kamera sigurie në zone po ajo që e ka bërë më të lehtë largimin me shpejtësi të autorit është errësira në disa porfej rrugicave përrreth zonës.

Në zonën ku ndodhi shpërthimi, jetojnë dhe disa gjyqtarë të njohur, dhe fillimisht u mendua se shpërthimi mund të lidhej dhe me ta.

Në kërkim është shpallur shtetasi Arben Bardhi, 58 vjeç, banues në Tiranë, i cili, sipas Policisë, mbrëmë rreth orës 21:10, dyshohet të ketë vendosur në derën e jashtme të banesës të shtetasit Vasillaq Stavro një sasi lënde plasëse. Arsyeja e sulmit mendohet të jetë një konflikt pronësie mes të dyve.