Kreu i opozitës, Lulëzim Basha iu është bashkuar banorëve të Astirit në protestën e tyre të përditshme. Ai ka deklaruar se Rama është i paligjshëm dhe nuk mund të marrë më vendime për qytetarët dhe vendin.
“Edi Rama, ti nuk merr dot asnjë vendim për shqiptarët. Je i paligjshëm, je ilegjitim. Sot nga unaza kam një mesazh për çdo qytetar, ka ardhur koha që vendimet ti merrni ju, ju duhet të vendosni. Ju duhet të vendosni, siç keni vendosur të nisim së bashku një rrugëtim që na bën bashkë më të vendosur drejt vlerave evropiane dhe drejt Shqipërisë evropiane”, deklaroi Basha.
Kreu i opozitës ftoi sërish qytetarët që të bashkohen në protestën e madhe të 16 marsit.
“Ju ftoj të gjithëve në 16 mars kemi një takim me historinë dhe ajo nuk do të jetë historia e triumfit të së keqes, por do të jetë historia e triumfit të shqiptarëve të bashkuar. Mos mungoni në takimin tuaj me historinë në 16 mars”, u shpreh Basha.
