Tensionet te ‘Petro Nini’, banorja: Nuk veproi Përmbarimi, por nipërit e ‘pronarit’

Në një prononcim, banorët e shtëpisë që u bënë kryefjalë e ditës në media dhe rrjetet sociale, pretendojnë se marrja e pronës po u bëhet në mënyrë të padrejtë dhe në mënyrë abuzive.

Të pyetur, se cila cila do të ishte marrëveshja e duhur, një prej banorëve është përgjigjur prerazi: “Nuk ka marrëveshje, do të na nxjerrë pa gjë. Nuk mendoj se mund të ketë marrëveshje”, kanë thënë ata për  Syri.net.

Ajo shpjegoi edhe rrugën që është ndjekur dhe do të ndiqet:

“Ne jemi në gjyq. Për të hedhur vendimin e Blerina Muçës. Jemi edhe në proces legalizimi. Gjyqtarët që na kanë bërë gjyqin ngecën në vetting. Sot erdhi Përmbarimi, por nuk vepruan ata por nipërit e Aleksandër Gavocit. Në mënyrë individuale dhe jo shtetërore e ligjore. Po shqyenin derën”.