Sherri në emision/ Peza i përmend Shkullakut mjekrën. Ky i fundit 1 milion eurot

Sherr mes gazetarit Armand Shkullaku dhe ish-deputetit socialist Alfred Peza në emisionin Opinion. Përmendja e pasurisë ka shkaktuar përplasjen mes tyre. Në fillim ishte Alfred Peza, i cili veç pasurisë që tha se kishte drejtuesi i emisionit, deklaroi se edhe gazetari Armand Shkullaku ka vilë 1 milionë euro. Ky i fundit i është përgjigjur ish deputetit socialist, duke i kujtuar pasurinë 1 milion euro.

Pjesë nga debati:

Shkullaku-Pezës: Tani ekspert imobiliar na dole, unë të dija ekspert financash

Peza: Tani edhe ti ekspert vilash dole edhe ekspert i çadrave të PD-së dole

Shkullaku: Po, pra, po, por jo i lekëve te xhepi

Peza: Ato i kam të deklaruara unë

Shkullaku: Jo, jo si ke, të kam pas vartës gjithë kohës

Shkullaku: Ti e di që ne të dy kemi ndryshim

Peza: Po çfarë ndryshimi kemi o Shkullak? Ku dallojmë? Nga mjekra?

Shkullaku: Dallimi është që unë e deklaroj mjekrën, kurse ti jo. Sepse në dallim nga ty mua nesër më vjen Prokuroria në shtëpi.