Protesta e sotme e opozitës është mbyllur e qetë dhe nuk është shoqëruar me incidente dhune. Ndërkohë në datën 16 mars pritet protesta e radhës e opozitës, e cila sipas liderave do të jetë në përmasa më të mëdha se protestat e fundit.
I pyetur nëse protesta e radhës do të ketë akte dhune, Lulzim Basha tha për mediat se opozita do të vazhdojë protestat paqësore, por asnjë digë nuk e mban dot zemërimin e popullit. Mesazh ky që nënkupton se protesta mund të shoqërohet me akte dhune.
“Më datë 16 është takimi i popullit para Kryeministrisë. Do kemi një protestë edhe më të madhe.”
“Edi Rama e ka frikë popullin ndaj mund t’i japë zgjidhje politike krizës duke u larguar një orë e më parë. Opozita do vazhdojë protestat paqësore por asnjë digë nuk e mban dot zemërimin popullor”, u shpreh Basha.
