LIGJET E BIZNESIT
Djegia e mandateve të opozitës i ka hapur rrugë rikthimit në Parlament të kandidatëve, të cilët nuk fituan mandat në zgjedhjet e shkuara. Një nga deputetët që janë betuar ditën e sotme në kuvend është edhe Ylli Shehu.
Ai është deputet listësn e Lëvizjes Socialiste për Integrim, në Tiranë. Para futjes në sallën e parlamentit, ai ka thënë për mediat se kishte marrë vendimin për të qenë pjesë e parlamentit, pasi nuk mund të tradhëtonte votuesit e tij.
“Unë nuk jam pjesë e strukturave të LSI-së për të vendosur nëse jam apo jo. Nëse më përjashtojnë është e drejta e tyre, mandati është i imi. Po të ndihesha tradhtar nuk do të isha këtu. Nuk mund të tradhtoj mijëra qytetarë që më kanë votuar, – tha ai për mediat. – Do jem në opozitë me qeverinë, normal” – deklaroi Shehu para futjes në Parlament.
Shehu ka mbajtur më herët edhe mbiemrin Lala, ndërsa ka qenë i dënuar për kontrabandë, dënim për të cilin është dënuar me gjobë.
Ai ka mbaruar Fakultetin Juridik në “Universitetin Kristal”, ndërsa është hera e dytë që ulet në Parlament pasi më herët ka qenë pjesë e Partisë Republikane legjislaturën e shkuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shehu është i njohur edhe si këngëtar pasi ka realizuar disa videoklipe dhe këngë kohë më parë.
