Një ditë pas protestës, zv.ambasadorja amerikane i shkon Bashës në zyrë

Kriza politike që kanë shkaktuar opozitarët me djegien e mandateve dhe “lufta” e tyre me Ramën, duket se nuk ka fund. Të shqetësuar për krizën kanë qenë edhe ndërkombëtarët.

Sot, përfaqësuesja e SHBA-ve në Shqipëri, zv.ambasadorja Leyla Moses-Ones ka mbërritur në selinë e Partisë Demokratike, ku do të zhvillojë një takim me Bashën, në kuadër të zhvillimeve politike të ditëve të fundit.

Deputetët e opozitës vendosën të djegin mandatet parlamentare si e vetmja masë ekstreme për t’u përballur me qeverinë. Opozita kërkon dorëheqjen e kryeministrit Edi Rama, ngritjen e një qeveri tranzitore që do e përgatiste vendin për zgjedhje të parakohshme të përgjithshme.

Edi Rama është shprehur kundër kërkesave të opozitës për qeveri tranzitore. Nga ana tjetër, Lulzim Basha, Monika Kryemadhi dhe aleatët e vegjël kanë deklaruar se nuk ka kthim pas. Por ditët e fundit kemi edhe një kthesë, që mund të hedh në erë planet e “Opozitës së Bashkuar”, kandidatët kanë filluar të pranojnë mandatet, të cilat i kanë lënë bosh opozitarët. Duket se avash-avash, karriget bosh në Parlament po mbushen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern