Ministria e Shëndetësisë: Jo më dy punësim në profesione të ndryshme

Tashmë profesionistët me dy diploma duhet të zgjedhin fushën ku do të ushtrojë profesionin. Ministrisë së Shëndetësisë dhe Mbrojtjes Sociale, ka sqaruar ditën e sotme se ushtrimi i dy profesioneve të ndryshme është i ndaluar.

Sqarohet se nuk kanë të bëjnë me ndalimin e dypunësimit të mjekëve, por me ndalimin e ushtrimit të dy profesioneve të ndryshme.

Sipas MSH, ky ndryshim i propozuar është në përgjigje të shqetësimit të ardhur nga urdhërat profesionistë, pasi ushtrimi njëkohësisht i dy profesioneve shpesh ishte fiktiv.

“Lidhur me lajmin e publikuar në media për ndalimin e dypunësit të mjekëve, Ministria e Shëndetësisë dhe Mbrojtjes Sociale sqaron se, një nga nenet e propozuara në ligjin e ri të kujdesit shëndetësor, nuk kanë të bëjnë me ndalimin e dypunësimit të mjekëve, por me ndalimin e ushtrimit të dy profesioneve të ndryshme.

Ndryshimi i propozuar lidhet me faktin se, kur një profesionist shëndetësor ka dy profesione, psh. stomatolog dhe farmacist, pra ka dy diploma, ai duhet të zgjedhë cilin profesion do të ushtrojë dhe ndërkohë duhet të pezullojë licensën tjetër”, deklaron MSH.

Ky ndyshim në ligj nuk do të ndalojë dy punësimin e mjekëve në të njëjtin profesion, siç aktualisht ndodh që bluzat e bardha punojnë edhe në spitale shtetërore, edhe në privat.