Kriza politike po thellohet, këtë të shtunë pritet protesta e ardhshme opozitës, e cila nuk ka ndërmend të bëj pas .
Sot ish-ministri i Jashtëm i Shqipërisë, Besnik Mustafaj ka analizuar krizën politike në vend teksa ishte i ftuar në rubrikën “Opinion” në News 24.
Sipas tij, kryeministri Edi Rama nuk arrin të lexojë pakënaqësitë e qytetarëve dhe kjo në pikëpamjen e Mustafajt është e rrezikshme për një sistem demokratik, e cila e ka jetike mbushja e rrugëve me njerëz që kërkojnë përmirësimin e sjelljeve të një qeverie.
“Duhet mbajtur fryma e protestës dhe kjo mbahet përmes rrugës dhe jo ligjërimit. Unë nuk jam ithtar i dhunës. Protestat duhet të jenë demokratike deri në fund. Masiviteti i tyre është presioni që duhet ti behët deri në fund. Rama është një politikan që nuk lexon pakënaqësitë e popullit, pakënaqësitë e politikës dhe opozitës. Në demokraci, mbushja e rrugës është sinjal që duhet të ndryshohet qeveria dhe sjellja e saj”, tha Mustafaj.
Mustafaj u ndal tek vajza e Azem Hajdarit, e cila nuk shkoi në një linjën me PD-në për të djegur mandatin e deputetes. “Nuk preferoj të bëjë koment për Rudinën. Është në një moshë që po rritet dhe po piqet. Mbiemri Hajdari është shumë i rëndësishëm. Hajdari është në momentit dhe në moshën që i lejohen gabimet dhe ato janë elementë të mësimit.
Edi Rama nuk ka treguar dhe nuk po tregon që është një burrë shteti. Unë besoj se Edi Rama e keqkupton edhe atë që e quani ju “mbështetjen e ndërkombëtarëve”, tha Mustafaj
