Kriza politike/ Deputetët francezë mbërrijnë në Tiranë. Kërkojnë zgjidhje

Sot dy socialistët Taulant Balla dhe Blerina Gjylameti kanë zhvilluar një takim me dy deputetët francezë Jacques Maire dhe Liliana Tanguy.

Sipas deputetëtve francezë,  synimi i vizitës së tyre në Shqipëri është forcimi i marrëdhënieve mes dy vendeve.

Por ata nuk kanë lënë pa përmendur edhe  krizën politike në vend. Deputetët francezë u shprehën se nuk duam të ndërhyjmë në debatin e brendshëm politike në Shqipëri, por kërkuan që palët të gjejnë një zgjidhje për ngërçin.

“Kemi ardhur për të diskutuar edhe për situatën politike. Është e rëndësishme të kemi diskutime nga afër dhe do kemi diskutime më të detajuara pas zgjedhjeve evropiane. Kemi ardhur për të përforcuar bashkëpunimin mes dy vendeve tona. Kemi pasur takime edhe me opozitën dhe me qeverinë dhe e kuptojmë qëndrimin e secilës parti. Nuk duam të ndërhyjmë në debatin e brendshëm shqiptar. Duhet konsensus edhe nga ana e publikut. Duhet të kemi parasysh edhe reformat që bën Shqipëria siç është reforma në drejtësi. Kam besim se do gjendet zgjidhje nga shqiptarët”- tha deputeti francez Jacques Maire.