I kërkuar për vrasje në Angli, arrestohet në Shijak 23-vjeçari

Një 23-vjeçar është arrestuar ditën e sotme për llogari të Mbretërisë së Bashkuar ku akuzohet për vrasje. Bëhet fjalë për E.S. me banim në Xhafzotaj, Shijak, i cili do të ekstradohet drejt Britanisë.

Ndaj 23-vjecarit kishte mbërritur një urdhër arresti i datës 5 janar 2018 nga Gjykata e Ëestminster, Londër, ku ishte dhënë masa e sigurisë “Arrest me burg”.

Operacioni i koduar “Eagle” është realizuar nga Policia e Durrësit në bashkëpunim me zyrën e Interpol Tirana, dhe pas lokalizimit të të kërkuarit, u bë i mundur edhe ndalimi i tij në pritje të ekstradimit.

Ky operacion është rezultati i parë pas Marrëveshjes dypalëshe, ndërmjet Republikës së Shqipërisë dhe Mbretërisë së Bashkuar dhe Irlandës së Veriut, realizuar në vitin 2017. Ndërkohë, pritet që i arrestuari të ekstradohet drrejt Anglisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern