FOTOT/ Italianët ‘rrihen’ në Betejën e Portokalleve

Si çdo vit banorët e qytetit italian Ivrea, pranë Torinos, kanë zhvilluar festën treditore, “Betejën e portokallëve” të këtij viti.

Në festival vendasit dhe turistët bombardonin njëra-tjetrin me mijëra portokalle , duke festuar një legjendë lokale rreth qytetarëve që u ngriten kundër një tirani mesjetar.

Legjenda thotë se tirania u përpoq të përdhunonte vajzën e një mullixhiu, por ajo i preu kokën atij dhe udhëhoqi një kryengritje që të çlironte qytetin.

Në luftën tallëse pjesëmarrësit ndahen në grupe fisnikësh dhe njerëz të thjeshtë. Portokallet thuhet se përfaqësojnë kokën e tiranit ose, në disa interpretime, organet gjenitale të tij.

Në ditët e sotme, të mëdhenjtë dhe fisnikët ndahen në skuadra dhe veshin veshje mesjetare për të luftuar si në një betejë të nxehtë mbretërore.

Çdo vit një vajzë nga qyteza luan rolin e Violetës dhe shumë prej atyre që dalin në shesh veshin kostume tradicionale të zonës. Njerëzit ndahen në 9 skuadra: As Spathi, Portokajtë e Vdekjes, Revolucionarët, Shahistët, Pantera e Zezë, Akrepët, Djajtë, Mercenarët dhe Besimtarët.

Secila skuadër mbron territorin e saj ndërsa sulmon “kështjellën” e skuadrës tjetër. Çdo vit, miliona portokaj nga Siçilia përdoren për festivalin tradicional, fruta që përndryshe do të ishin hedhur.

Festivali është lufta më e madhe e ushqimit në Itali dhe në të vërtetë një nga më të mëdhatë në Evropë.