LIGJET E BIZNESIT
Pakënaqësite ndaj qeverisjes së Kryeministrit Edi Rama, po shtohen, gjithashtu edhe protestat kundër tij. Ditën e sotme emigrantët shqiptarë në Greqi, protestuan sot para ambasadës shqiptare, në Athinë kundër qeverisë së Edi Ramës.
Ata thërrisnin “Rama ik” dhe “E duam Shqipërinë si gjithë Europa”.
Protesta u organizua nga dega e PD në Greqi, por u mbështet edhe nga bashkëatdhetarë të paangazhuar politikisht, pa dallime partiake.
Më fjalimet e mbajtura para ambasadës, protestuesit kërkuan largimin e qeverisë së Edi Ramës për t’i hapur rrugë zgjidhjes politike në vend. Kryetari i degës së PD në Greqi, Fatmir Gjoci dhe protestues të tjerë u shprehën se kjo qeveri ua ka nxirë faqen shqiptarëve në emigracion me imazhin e kanabizimit dhe të kryeministrit që përkrah kriminelët dhe ka ardhur në pushtet me blerjen e votave nga krimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Protestuesit para Ambasadës shqiptare në Athinë u bënë thirrje bashkëatdhetarëve të tyre të vijnë në Tiranë në 16 Mars për t’u bashkuar me opozitën në protestën madhështore para kryeministrisë. Me parullën “nuk na turpëron Shqipëria, por na turpëron qeveria, emigrantët shqiptarë më Greqi thanë se është detyrim i çdo shqiptari të çlirojë vendin e lindjes nga qeveria më antikombëtare që ka patur Shqipëria në këto 3 dekada.
Ndërkohë në 16 mars, të shtunën tjetër pritet të jetë tubimi i radhës i opozitës së bashkuar, i cili sipas liderve do të jetë i përmasave të konsiderueshme. Ndërkohë, më herët Basha u shpreh: “Do të jetë tubimi më i madh që ka parë Shqipëria në 30 vite”, deklaratë kjo që të bën të mendosh se mund të kemi sërish një protestë të dhunshme.
