LIGJET E BIZNESIT
Sot në Milano është zhvilluar një marshim kundër racizmit dhe diskriminimit. Sipas organizatorëve kanë marrë pjesë rreth 200 mijë persona nga e gjithë Italia.
Protesta u realizua me qëllim në qendrën e Lombardisë, aty ku Partia e ministrit të Brendshëm Salvini, Lega, ka edhe mbështetësit më të mëdhenj.
Sipas tyre, qeveria po promovon frikën dhe urrejtjen ndërkohë që përhap ndarjen. Nga ana tjetër, Salvini thotë që ligjet e reja për emigracionin që qeveria ka miratuar do ta bëjnë më të sigurt Italinë. Në një dekret të votuar shtatorin e kaluar, autoritetet italiane e kanë më të lehtë të deportojnë emigrantët dhe t’u heqin nënshtetësinë nëse kryejnë vepra të rënda penale.
Në drejtimin e qeverisë së re që formohet nga një koalicion ky kryeson Lega dhe Lëvizja 5 Yjet, Italia është përpjekur që të mbyllë kufirin jugor dhe nuk ka lejuar anijet e shpëtimit në Mesdhe që të dërgojnë refugjatë në portet e saj.
Demonstruesit marshuan nën sloganin “Njerëzit të parët”, duke këmbëngulur se diversiteti është një thesar kulturor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në marshimin e Milanos kanë marrë pjesë shumë politikanë të majtë si dhe figura publike të artit dhe kulturës.
Pse gjithë kjo urrejtje? Shpresoj që ky manifestim të ketë një kuptim, jemi këtu për të thënë se nuk jemi racistë. Një qytet i rëndësishëm si Milano duhet të bëhet multietnik si Parisi apo Nju Jorku”, është shprehur këngëtarja e njohur Ornella Vanon.
