E vjetër, e rrezikshme dhe rrezikon të shembet, ARRSH mbyll urën Çermë-Rrogozhinë

Kanë nisur punimet në disa ura të vendit, të cilat janë cilësuar si të vjetra dhe të rrezikshme. Autoriteti Rrugor Shqiptar ka marrë masa të menjëhershme pas denoncimimeve nga qytetarët.

‘Ura e vjetër automobilistike në aksin e kryqëzimit Cerme-Rrogozhine mbi lumin Shkumbin paraqet probleme konstruktive në themelet e saj, të cilat janë ekspozuar si rezultat i gërryerjeve për shkak të ngushtimit të shtratit të lumit.

Si rezultat i këtyre problemeve ARRSH vendosi që ura do të mbyllet përkohësisht deri në marrjen e masave për rehabilitimin e themeleve, me qëllim parandalimin e situatave që mund të krijohen nga lëvizshmeria në këtë aks”, njofton ARRSH.