Denoncimi i PD/ “Veliaj kapet në flagrancë, përpiqet të manipulojë zgjedhjet”

PD akuzoi sot  Erion Veliajn, se është është kapur në flagrancë duke grumbulluar karta identiteti për të vjedhur votat.

Nga selia blu, Albana Vokshi tha se me urdhër të Erion Veliajt, një formular u është shpërndarë prindërve që kanë femijët në çerdhet dhe kopshtet e Tiranës, për t’u marrë “leje” për publikimin e fotove të tyre. Një nga kërkesat e formularit, është dorëzimi i të dhënave personale, përfshirë numrin e kartës së identitetit.

Sipas Vokshit, kjo është një tentativë te re siç tha ajo që po përdor kryebashkiaku për të vjedhur zgjedhjet e qershorit, duke treguar edhe dokumentat përkatës.

“Urdhri nuk i shërben sigurisë së fëmijëve për fotografimin, por bëhet për llogari të fushatës. Urdhri i kryebashkiakut është i paligjshëm dhe ka për qëllim manipulimin e zgjedhjeve të ardhshme”, tha Vokshi.

Ajo i kërkoi Prokurorisë të hetojë si dhe OSBE-së të marrë masa për këtë rast. Abuzimi me kartat e identitetit është një nga shqetësimet e ngritura nga OSBE në zgjedhjet e kaluara dhe pjesë e rekomandimit prioritar numur 3 në raportin final të OSBE/ODHIR, shtoi Vokshi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern