LIGJET E BIZNESIT
Bujar Spahiu zgjidhet kryetari i ri Komunitetit Myslyman Shqiptar. Ai siguroi 59 vota, duke fituar kështu përballë dy kandidatëve të tjerë. Myftiu i Tiranës, Ylli Gurra mori 26 vota ndërsa Myftiu i Lushnjës, Gramoz Blliku mori 2 vota. Bujar Spahiu bëhet kështu kryetari i 10-të i Komunitetit Myslyman
Mbledhja e Këshillit të Përgjithshëm të Komunitetit Mysliman për zgjedhjen e kryetarit të ri nisi në orën 10:30 tek Medreseja e Tiranës dhe pas disa orësh u arrit të zgjidhej kreu i ri i KMSH-së.
“Më keni nderuar dhe më keni vendosur përpara vështirësive”, ka deklaruar Spahiu, pas shpalljes së tij si kreu i ri i KMSH-së.
Tre kandidatët në garë paraqitën fillimisht platformën e tyre për drejtimin e Komunitetit Myslyman Shqiptar dhe më pas, nisi procesi i votimit, që përfundoi sot rreth orës 13:20. Zgjedhjet e KMSH-së u monitoruan edhe nga përfaqësues të OSBE dhe ambasadës amerikane.
