Vendi pa opozitë, deklarata surprizë e Ramës: I pranoj gabimet, ja cilat janë..

Kryeministri Edi Rama ka dalë në një komunikim të drejtpërdrejtë me qytetarët, pas djegies së mandateve nga opozita. Rama ka deklaruar se opozita ka vepruar në këtë mënyrë për interesat vetjakë. Kreu i qeverisë shtoi se duhet reflektim i thellë, që për secilin duhet të nisë nga vetja.

Rama ka pranuar se ka bërë gabime, por nuk ka sulmuar me akuza të rënda drejtuesit e opozitës, siç ka bërë Sali Berisha, Lulzim Basha apo Monika Kryemadhi me të.

“Shqipëria ka probleme, por ne jemi ndryshe nga ajo forcë që shkatërroi Shqipërinë, ndërsa sot që nuk e ka mundësinë, prodhon vetëm lajme të këqija për Shqipërinë. Shqipëria që dua nuk është kjo që kemi, por nuk krahasohet me Shqipërinë që kishim”, deklaroi Rama.

Ai shtoi se qeveria e dëgjon gjithmonë popullin e saj, ndryshe nga ish qeveria e mëparshme.

“Shqipëria që dua nuk është kjo që është sot dhe që ndodhet mes të shkuarës dhe të tashmes!, u shprejh Rama.