LIGJET E BIZNESIT
Dhjetëra të lënduar nga turma, por edhe nga media raportohen nga sheshi përpara kryeministrisë, ku prej orës 11:00 zhvillohet protesta e opozitës.
Protestuesit janë ndjerë keq për shkak të asfiksisë nga gazi lotsjellës, i hedhur nga garda. Një ambulancë ka hyrë në mes të sheshit për t’i dhënë ndihmën e parë të gjithë të lënduarve, ndërsa mësohet se disa qytetarë janë transportuar për në spital.
Të tjerë të lënduar janë shfaqur të shtrirë në tokë pa ndjenja, e madje një prej tyre është bllokuar mbi skelën përpara kryeministrisë. Protestues të shumtë i janë bashkuar në ndihmë, duke e zbritur atë me anë të rrjetave të skelës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pavarësisht situatës së rënduar, policia vijon të hedhë lotsjellës. Kjo situatë ka rritur tensionet mes protestuesve, që kanë mësyrë në shkallët e godinës, duke tentuar të thyejnë shufrat e hekurit përpara dyerve të saj, e më pas i kanë vënë flakën. Të tjerë po përpiqen të thyejnë dyert duke përdorur sende të forta.
Policia ka marrë udhëzim për të mos ndërhyrë tek protestuesit, duke hapur qëllimisht kordonin për të shmangur përplasjet.
