LIGJET E BIZNESIT
Sherri sot në parlament, që kulmoi me bojën që deputeti demokrat Edi Paloka i hodhi kryeministrit Edi Rama ka shkaktuar “furtunë”. Ka reaguar sërish kryeministri Rama, në lidhje më incidentin.
Kësa herë më zë dhë jo me shkrim Kryeministri e nisi reagimin e tij me një frazë të Martin Luther King, i cili thoshte, “s’ka rrezik më të madh për botën sesa budallallëku i vetëdijshëm”.
Rama e përdori shprehjen duke thënë, “Asnjë nga sëmundjet e një shoqërie nuk i bën dot asaj dëm më të madh sesa budallallëku. Problemi me budallain e vetëdijshëm është krenaria, me të cilën ai shfaqet me të gjithë budallallëkun e vet të pakufizueshëm.
Në rastin konkret: budallai ishte një njeri me shiringë në dorë, që e hedh bojën përpjetë në Parlamentin e vendit, ndërsa budallallëku që i jep atij guximin dhe krenarinë është një parti e tërë parlamentare”, tha kryeministri duke iu referuar Palokës si një palobudalla.
Ndërsa përmendi sa ditë e rëndësishme ishte e sotmja për shqiptarët e Maqedonisë së Veriut, por që për fat të keq u kthye në ditën e mavrisë me bojë, sipas tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Sot ishte dita ku të gjithë shqiptarët e Maqedonisë së Veriut i kishin sytë te Kuvendi i Shqipërisë por mjaftoi një paloshqiptar bashkë me të zotin e tij për ta bërë ditën e mavrisë me bojë.
Për fatin më të keq dhe turpin më të madh kjo u bë dita e budallait shembullor”, tha kryeministri.
“Ata se kanë me mua, ata e kanë me ju. Unë jam vetëm pengesa mes tyre dhe jush. Kjo është arsyeja që durimi nuk më humbet por veç më kalitet, pasioni nuk më tretet por veç më shtohet dhe vendosmëria nuk më bie por veç më rritet. Këta janë të zhurmshëm, edhe të lodhshëm, por këta janë dhe mbeten një pakicë që shumicë dot nuk bëhen”, e mbylli fjalen Rama.
