LIGJET E BIZNESIT
Lulzim Basha ka zhvilluar sot një mbledhje me të gjithë kryetarët e degëve në rrethe për të rakorduar vijimin e aksionit opozitar. Kreu i Partisë demokratike, Lulzim Basha, ka folur për mediat, pas mbledhjes së Kolegjit të Kryetarëve.
Ai tha se javën e ardhshme në 28 Shkurt shqiptarët do të protestojnë sërish para parlamentit, ndërsa shtoi se protesta kombëtare do të ketë edhe në 7 mars sërish para Kuvendit, ndërsa në 16 mars do të jetë dhe protesta e madhe që do të rrëzojë Ramën.
Kjo është forma e rezistencës për të kërkuar krijimin e qeverisë tranzitore dhe mbajtjen e zgjedhjeve të parakohshme. Ndërkohë, Kuvendi do të mblidhet sërish më 28 shkurt.
‘Në 28 shkurt dhe në 7 mars do të kryhet protesta popullore para parlamentit, dhe në datën 16 mars do të bëhet sërish një protestë e madhe kombëtare me qëllim rrëzimin e kriminielit Edi Rama. Një gjë është e sigurtë hapi që kemi hedhur të enjten e kaluar nuk është pa kthim vetëm për opozitën, por është pa kthim edhe për Edi Ramën. Plani që ka vënë në zbatim siç e zbuluan dhe mediat italiane, që do të përdorë paratë e pista nuk do ta zbatojë. Ne nuk do të lejojmë as zgjedhjet e ardhshme e as fatin e shqiptarëve në dorë të Edi Ramën. Protestë pas proteste pa asnjë pengesë të frenimit të zemërit popullor deri sa të shporrim këtë hajdut nga qeveria’, deklaroi Basha jashtë selisë blu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
