LIGJET E BIZNESIT
Vendimi i Gjykatës së Apelit për Krimet e Rënda për t’i hequr dënimin për jetë Dritan Dajtit është cilësuar si padrejtë.
Si pasojë policia ka zbarkuar në banesat e 3 gjyqtarëve, të cilët shpëtuan Dritan Dajtin nga dënimi me burgim të përjetshëm. Mëngjesin e sotëm, Policia e Shtetit nisi kontrollet në Tiranë, Sarandë, Vlorë dhe Shkodër në banesat e gjyqtarëve Petrit Aliaj, Skënder Damini dhe Aleks Nikolli.
Ndërsa është shoqëruar për në Drejtorinë Vendore të Policisë së Shtetit gjyqtari Skënder Damini, për shkak të gjetjes së municioneve luftarake në banesën e tij gjatë kontrollit të ushtruar mëngjesin e kësaj të premteje. Më herët u njoftua në në shtëpinë e gjyqtarit u gjet edhe një shumë prej 20 000 eurosh.
Prokuroria e krimeve të rënda ka nisur procedim penal për akuzat e korrupsionit dhe shpërdorimit të detyrës për 3 gjyqtarët e apelit të krimeve të rënda, që shpëtuan nga burgimi përjetë Dritan Dajtin, i dënuar për vrasjen e 4 policëve në vitin 2009.
Mendohet se edhe në banesat e gjyqtarëve të tjerë ka shuma parash të pajustifikuara, pritet të zhvillohen veprime të tjera hetimore ndaj gjyqtarëve të dyshuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
