LIGJET E BIZNESIT
Vendimi i opozitës për të djegur mandatet i ka gjetur të gjithë të papërgatitur dhe është komentuar gjerësisht. Para pak minutash doli vendim unanim i Këshillit Kombëtar të PD-së, pro djegies së mandateve.
Në lidhje me vendimin ka reaguar edhe OSBE. Sipas tyre, ky veprim sipas tyre minon procesin demokratik të vendit dhe për pasojë kjo reflekton pengesë në reformat thelbësore.
“Vendimi i deputetëve të opozitës për t’u dorëhequr nga Kuvendi minon procesin demokratik ligjvënës dhe përbën një heqje dorë nga përgjegjësia e tyre për të përfaqësuar qytetarët që i kanë votuar. Reformat thelbësore dhe gjerësisht të mbështetura po vonohen”, shprehet OSBE.
Sakaq, bëjnë apel që të mos ketë skena dhune në protestën e nesërme, ndërsa theksohet se “Ata që mundësojnë dhe nxisin dhunën do të mbajnë përgjegjësi”.
“Prezenca e OSBE-së këshillon fuqishëm që të mos ndërmerret asnjë përpjekje për të tronditur themelet e demokracisë përmes dhunës, që të mos ndryshohet procesi demokratik përmes presionit jodemokratik. Na vjen keq që paralajmërimet e kaq shumë miqve dhe partnerëve afatgjatë të Shqipërisë nuk u dëgjuan”, thekson më tej OSBE.
