Morën pjesë në protestën e opozitës, shkarkohet nënkryetarja e Bashkisë dhe drejtori

Shkarkohen nga detyra nënkryetarja e Bashkisë së Tiranës, Kozeta Mesiti dhe drejtori i Administrimit të Tregjeve, Sokol Hysa, të dy të propozuar nga PDIU. Ata morën pjesë në protestën e opozitës, që u zhvillua të shtunën e 16 shkurtit.

Fotot nga protesta treguan se Mesiti dhe Hysa ishin në krah të kreut të PDIU-së, Shpëtim Idrizi në protestën e dhunshme të opozitës. Lajmi i shkarkimit të zyrtarëve të lartë të Bashkisë së Tiranës bëhet i ditur nga burime brenda këtij institucioni.

Mesiti dhe Hysa ishin ende në Bashki pas koalicionit në zgjedhjet e 2015. Shkarkimi i tyre është firmosur sot nga kryebashkiaku Veliaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern