LSI akuza Ramës: Na provokoi në protestë, largoi policinë

Lëvizja Socialiste për Integrim ka akuzuar qeverinë se ka provokuar qytetaret në protestë, duke larguar kordonin e Policisë që ndante Kryeministrinë me protestuesit.

Në një deklaratë për mediat, LSI thekson se Policia e Shtetit dhe Garda e Republikës kanë përdorur lënde helmuese luftarake dhe gaz lotsjellës mbi protestuesit, duke shkaktuar dëme shumë të rënda në rrugët e frymëmarrjes të qytetarëve dhe ka përkeqësuar shëndetin e qytetarëve me probleme kardiake.

“Kjo sjellje provokative e Policisë se Shtetit dhe e Gardës së Republikës ka qenë në kundërshtim me dëshirën e opozitës për një protestë paqësore dhe theksojmë se kjo proteste ka nisur paqësore dhe vazhdon të jetë e tillë në sytë e qytetarëve. Veprimet e qeverise provuan edhe një herë rrugën anti demokratike të qeverisë dhe te Kryeministrit Edi Rama”, theksohet në deklaratën e LSI-së.