LIGJET E BIZNESIT
Kryetarët e bashkive që kanë më 3 ose më shumë mandate do të mund të kandidojnë sërish për zgjedhjet vendore të 20 qershorit. Ky është vendimi që ka marrë Komisioni Qendror i Zgjedhjeve. KQZ ka rrëzuar propozimin e bërë nga Partia Socialiste, pasi kryetari Klement Zguri, votoi kundër. Propozimi mund të kalonte vetëm me shumicë të cilësuar votash.
Vendimi mund të ankimohet në kolegjin zgjedhor. Nëse kjo nuk ndodh, atëherë i hapet rrugë rikandidimit të kryebashkiakëve me 3 mandate, si Vangjush Dako në Durrës, Qazim Sejdini në Elbasan dhe Fiqiri Ismailit në Vorë.
Gjatë diskutimit në sallën e KQZ, përfaqësuesi i Partisë Demokratike, Ivi Kaso, tha se ligji nuk mund të ketë fuqi prapavepruese dhe duke qenë se ai ka hyrë në fuqi në vitin 2015, prej aty nis edhe numërimi.
