Kapet me 128 kg drogë në Igumenicë, në pranga shqiptari (Emri)

Pas aksionit të sukseshëm në Kapshticë, ku u sekuestrua më shumë se një ton drogë, sërish është arrestuar një shqiptar i kapur me drogë në afërsi të kufirit shqiptaro-grek.

49-vjeçari, Artan Enver Meleqi, u arrestua ditën e sotme në Igumenicë me 128 kilogramë marijuanë. Ndalimi i shqiptarit u bë në rrugën periferike Agia Nikola-Filat, në vendin e quajtur Mavroneri, Igumenicë.

Dyshohet se makina ishte ngarkuar me drogë në kufirin e gjelbër, ndërsa policia gjeti brenda tij dhe sekuestroi 127 kg e 900 gram marijuane, 350 euro dhe 1 celular.