Veliaj e quajti hero, por inspektori i zjarrfikëses bie në praga për dhunë në familje

Është vënë në pranga inspektori i PMNZSH në Tiranë. Bëhet fjalë për punonjësin e Zjarrfikëses, Lorenc Hatia, i cili dhunonte vazhdimisht gruan dhe fëmijët e tij. Hatia është arrestuar në flagrance, për veprat penale të “Torturës” dhe “Dhunës në familje”.

Kanë qenë familjarët, që kanë lajmëruar Emergjencat, për akte dhune dhe më pas Inspektori u shoqërua dhe u arrestua nga SHÇBA.

Punonjësi i Zjarrfikëses, është quajtur dy vite më parë hero nga kryetari i Bashkisë së Tiranës, Erion Veliaj.

Hatia ka qenë një nga zjarrfikësit, i cili mori pjesë në shpëtimin e Bibliotekës Kombëtare, që u përfshi nga flakët në 16 mars 2017. Veliaj publikoi foton e tij dhe një falënderim të veçantë për të.