LIGJET E BIZNESIT
Kryedemokrati Lulzim Basha ka mbledhur kryesinë vetëm pak orë pas përfundimit të një vizite në Vjenë. Mbledhja ka filluar rreth orës 18:00, ndërkohë pritet që të diskutohet për vendimin e djeshëm, ku deputetët e opozitës zyrtarizuan dorëzimin e mandateve.
Sakaq, opozitës i duhet një strategji për ta ndjekur, pas vendimit të djeshëm. Sipas burimeve strategjia që do të ndjekë opozita është një gërshetim mes protestave në qytetet dhe bashkitë kryesore të vendit, dhe takimeve me faktorin ndërkombëtar.
Pritet që mbledhja e Kryesisë të përcaktojë grupet e punës sipas qarqeve, ku do të shpërndahen anëtarë të forumeve drejtuese dhe deputetët, që do të punojnë bashkarisht me strukturat e degëve dhe ato të partive aleate për organizimin e protestave, por edhe të takimeve me qytetarët.
Javën e ardhshme, Basha pritet të udhëtojë drejt Berlinit ku do të takohet me deputetë të Bundestagut dhe drejtues të grupimit CDU/CSU.
Pak përpara mbledhjes së Kryesisë, Fatbardh Kadilli, deklaroi se nuk do të ketë kthim mbrapa deri në plotësimin e të drejtave themelore të shqiptarëve, garantimin e një proçesi të lirë dhe të ndershëm zgjedhor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se ditën e djeshme opozita e bashkuar organizoi protestën e dytë brenda pak ditësh, ku tubimi i djeshëm rezultoi i sukseshëm dhe pa asnjë përplasje, ndërsa u finalizuar me dorëzimin e mandateve nga ana e opozitës.
