Akuzohet për ngacmim seksual ndaj të miturës, polici: Nuk e di si ka dal video, nuk di ta përdor celularin

Efektivi i policisë, Berhan Bajrakurti, i cili dyshohet se ka ngacmuar seksualisht një të mitur 15-vjeçare, prej disa ditësh  po mbahet në paraburgim. Ditën e sotme, Gjykata e Shkodër ka dhënë vendimin. Efektivi do të qëndrojë në  burg për 30 ditë, deri në paraqitjen e provave.

Bajrakurti i ka mohuar akuzat se ka ngacmuar një të mitur. Ai ka thënë se celularin e ka pasur në servis dhe se nuk di ta përdor mirë.

“Nuk kam ngacmuar asnjë të mitur. Kam qenë në shtëpinë time. Nuk e di se si ka dal video. Para pak kohësh e kam çuar celularin në servis dhe më pas e kam pasur me kod. Unë nuk di ta përdor mirë celularin. Nuk kam ngacmuar asnjë person dhe s’e kam idenë si është shpërndarë video”, ka thënë polici.

Avokati i Bajrakurtit, Xhelal Kraja kërkoi të cilësohet ndalimi i paligjshëm si dhe lirimin për shkak se sipas tij s’ka vepër penale. Në mungesë të viktimës, videoja intime nuk e ngarkon policin me asnjë përgjegjësi penale.