Aktet e dhunës në protestë/ Arrin në 80 numri i të shoqëruarve, 15 janë arrestuar

Ka arritur në 80 numri i të shoqëruarve për aktet e dhunës në protestën e djeshme të opozitës, ndërsa 15 janë të arrestuar dhe 7 të shpallur në kërkim. Të dhënat bëhen të ditura nga Policia e Shtetit.

Mes të arrestuarve është edhe Florenc Hoxha, ish-drejtor i Policisë Bashkiake. Sipas forcave blu, të arrestuarit janë nga Tirana, Kavaja, Divjaka, Shkodra, Durrësi, Cërriku, Elbasani dhe Fieri. Pesë prej të arrestuarve po procedohen në gjendje të lirë.

Policia bën të ditur se të arrestuarit u identifikuan pas analizimit të pamjeve filmike dhe raportet e shërbimeve, përfshi provat e mbledhura gjatë protestës.

Të arrestuarit akuzohen për “shkatërrim prone”, “dëmtime me dashje” dhe “prishje të qetësisë publike”. Hetimet po drejtohen nga prokurori Enklid Gjini. Në këtë proces janë përfshirë edhe 7 prokurorë të tjerë, si dhe 12 oficerë të Policisë Gjyqësore.

Të arrestuarit:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

F.H., 44 vjeç, banues në Tiranë;
E.N., 28 vjeç, banues në Tiranë;
N.H., 51 vjeç, banues në Kavajë;
A.Gj., 54 vjeç, banues në Divjakë;
R.D., 23 vjeç, banues në Tiranë;
S.D., 41 vjeçe, banuese në Tiranë;
D.L., 33 vjeç, banues në Shkodër;
H.J., 76 vjeç, banues në Tiranë;
I.H., 49 vjeç, banues në Durrës;
F.T., 44 vjeç, banues në Tiranë;
S.R., 43 vjeç, banues në Cërrik;
M.F., 55 vjeç, banues në Elbasan;
L.J., 38 vjeç, banues në Tiranë;
P. Sh., 51 vjeç, banues në Shkodër;
V. D., 30 vjeç, banues në Fier.

Të proceduarit në gjendje të lirë:

G.D., 25 vjeç, banues në Tiranë;
A.T., 20 vjeç, banues në Tiranë;
R.B., 53 vjeç, banues në Prenjas;
D.Ll., 47 vjeç, banues në Tiranë;
P.Th., 52 vjeç, banues në Shkodër.