Pas çdo kroasanti fshihet edhe një shije karakteristike. Sipas shefes së pastiçerisë, çdo recetë është zgjedhur për të pasqyruar identitetin gastronomik të vendit që përfaqëson.

Ideja nuk është vetëm të krijohen ëmbëlsira origjinale, por edhe të bashkohen njerëzit rreth emocioneve që sjell futbolli. Me Majamin që përgatitet të presë çerekfinalen e 11 korrikut dhe ndeshjen për vendin e tretë më 18 korrik, këta kroasantë janë kthyer në një nga atraksionet më të veçanta për tifozët që duan ta shijojnë Botërorin edhe përmes shijeve.

The post Botërori bëhet i ëmbël në Miami, kroasantët me flamujt e kombëtareve pushtojnë pastiçeritë appeared first on Fast News Economy.

Sipas njoftimit zyrtar, procesi i depozitimit kryhet ekskluzivisht në mënyrë elektronike përmes portalit e-Albania, duke përzgjedhur shërbimin “Depozitimi i pasqyrave financiare dhe raporteve të auditimit (për subjektet me administrator shqiptar dhe/ose të huaj)”.

Kush preket dhe çfarë duhet dorëzuar?
Detyrimi ligjor për raportim përfshin të gjitha bizneset që janë tatimpagues të Tatimit mbi Fitimin Korporativ ose Tatimit mbi të Ardhurat Personale Biznesore, të cilat kanë realizuar një qarkullim vjetor mbi 5 milionë lekë.

Dokumentacioni që duhet të ngarkohet në sistem (kur mbajtja e tij është e detyrueshme me ligj) përfshin:

Pasqyrat financiare vjetore;

Raportin e ecurisë së veprimtarisë;

Raportin e auditimit.

Paralajmërimi për penalitete dhe mbingarkesë të sistemit
QKB tërheq vëmendjen se mosrespektimi i këtij afati sjell penalitete të rënda. Subjektet që dështojnë të dorëzojnë dokumentacionin në kohë do të përballen me pasoja dhe masa administrative, në përputhje me ndryshimet e ligjit nr. 9723, datë 3.5.2007 “Për Qendrën Kombëtare të Biznesit”.

Për të shmangur radhët virtuale, vonesat apo çdo lloj problematike teknike të mundshme në sistem, institucioni u bën thirrje bizneseve që të mos e lënë aplikimin për ditët e fundit të muajit.

Keni nevojë për ndihmë?
Për çdo informacion shtesë apo paqartësi teknike, subjektet mund të kërkojnë asistencë duke shkruar në email-in zyrtar asistencaonline@qkb.gov.al ose duke telefonuar falas në numrin e gjelbër 0800 80 02.

The post Dorëzimi i pasqyrave financiare, QKB apel bizneseve: Brenda 31 korrikut ose do të merrni gjoba appeared first on Fast News Economy.

Në qendër të kësaj nisme qëndron Dhoma Amerikano-Ballkanike e Tregtisë (American Balkan Chamber of Commerce), një organizatë e përkushtuar për forcimin e marrëdhënieve ekonomike, lehtësimin e tregtisë dhe krijimin e partneriteteve afatgjata ndërmjet Shteteve të Bashkuara dhe vendeve të Ballkanit. Aktiviteti i organizuar në New York shërbeu njëkohësisht si një platformë rrjetëzimi profesional dhe si një moment reflektimi strategjik mbi mënyrën se si bashkëpunimi transatlantik dhe ai i diasporës mund të shndërrohen në rezultate konkrete biznesi.

Një platformë për shkëmbim ekonomik

Takimi në New York evidentoi interesin në rritje për angazhim të strukturuar ndërmjet tregut amerikan dhe ekonomive të Ballkanit. Pjesëmarrësit përfaqësonin një gamë të gjerë sektorësh, përfshirë financën, teknologjinë, prodhimin, konsulencën dhe tregtinë ndërkombëtare. Ajo që i bashkonte ishte dëshira për të zgjeruar mundësitë përtej kufijve dhe për të ndërtuar partneritete të qëndrueshme e të shkallëzueshme.

Në një kohë kur tregjet globale po bëhen gjithnjë e më të ndërlidhura, por edhe më konkurruese, iniciativa të tilla luajnë një rol kyç në uljen e barrierave të hyrjes në treg dhe në rritjen e besimit ndërmjet rajoneve që shpesh operojnë në ekosisteme ekonomike të ndara./Vaspas

The post Dhoma Amerikano-Ballkanike e Tregtisë forcon lidhjet ekonomike mes SHBA-së dhe Ballkanit në New York appeared first on Fast News Economy.

Sipas të dhënave paraprake të INSTAT, që mbështeten mbi vlerësimet e Prodhimit të Brendshëm Bruto (PBB) tremujor, aktiviteti i “Administrata publike dhe mbrojtja; sigurimi social i detyrueshëm; arsimi; shëndetësia dhe aktivitete të punës sociale”, kontribuoi me 1.71 pikë përqindje dhe “Taksa neto”, me 1.11 pikë përqindje.

Sektorët e ekonomisë reale (“Industria nxjerrëse; përpunuese; energjia elektrike, gazi,; furnizimi me ujë”- “Bujqësia, pyjet dhe peshkimi”- “Informacioni dhe komunikacioni”- “Aktivitetet financiare dhe të sigurimit”- “Arte, argëtim dhe çlodhje, aktivitete të prodhimit të mallrave të familjeve për përdorim të vet dhe shërbime të tjera”; – “Aktivitete shkencore, profesionale dhe teknike; aktivitete të shërbimeve administrative dhe mbështetëse” –“Aktivitete të pasurive të paluajtshme’- “Tregtia me shumicë dhe me pakicë; riparimi i automjeteve dhe motorçikletave; transporti dhe magazinimi; aktivitetet e akomodimit dhe shërbimit ushqimor”-“Ndërtimi”) u zgjeruan me vetëm 1.08%, duke ndikuar në 28% të rritjes.

Kjo është rritja më e ulët e aktiviteve ekonomike të lidhura direkt me biznesin, që nga viti 2012, duke përjashtuar vitin 2020, kur vendi u godit nga pasojat e pandemisë.

Ky është viti i dytë radhazi kur stafetën e rritjes e ka marrë “shteti”. Në 2024-n, administrata publike dhe taksat neto, për herë të parë në historinë e tranzicionit kontribuuan në 51% të rritjes dhe në 2025-n tendenca veçse u thellua. Mesatarisht kontributi i këtyre dy aktiviteteve, përveç rasteve të veçanta, psh kur ka zgjedhje, apo në pandemi, luhatet në rreth 15-30%.

Të dhënat u publikuan në konferencën “Si po ecën ekonomia- Analiza e treguesve dhe perspektiva e biznesit”, që u zhvillua nga Dhoma Amerikane e Tregtisë (AmCham) dhe Revista Monitor.

“Shifrat tregojnë se ecuria ekonomike e vendit është tërësisht e paqëndrueshme”, tha Ornela Liperi, Kryeredaktore e Revistës Monitor. “Në dy vitet e fundit ajo është mbajtur në këmbë nga rritja e pagave në sektorin publik, që ka ndikuar dhe në shtimin e të ardhurave nga kontributet dhe TAP, që sollën 77% të zgjerimit të ardhurave buxhetore në 2025-n. Industria dhe bujqësia, që janë sektorë të rëndësishëm për punësimin janë prej vitesh në territor negative, me kontribut negative prej -0.3 pikë përqindje secila”.

Në vitin 2025, ndërtimi dhe pasuritë e paluajtshme kontribuar së bashku me gati 1 pikë përqindje në ekonomi.

“Rritja e sektorit privat vitet e fundit është mbajtur kryesisht në këmbë nga ndërtimi, që mund të vazhdojë pa fund, pasi është sektor ciklik, për më tepër që hetimet e fundit treguan që ai po shërben për futjen e parasë informale në ekonomi, duke deformuar treguesit makro”, tha Liperi.

Krahas ndërtimit dhe aktivitetit të pasurive të paluajtshme, sektori tjetër që po ecën mirë është ai i tregtisë, akomodimit e shërbimit ushqimor, me kontribut 0.45 pikë përqindje në 2025-n. Por, pavarësisht rritjes së fluksit të turistëve në vend, kontributi i këtij sektori në ekonomi në 2025-n ra ndjeshëm, me rekordin e arritur në 2023-n, me 1.56 pikë përqindje.

“Ndërsa turizmi po kthehet në një motor kryesor të ekonomisë, ai mbetet lehtësisht i ndikueshëm nga faktorë të jashtëm dhe për më tepër nuk po arrin të nxisë zinxhirin e vlerës në ekonomi. Shembulli kryesor për këtë është rënia e bujqësisë dhe rritja e varësisë nga importet për produktet ushqimore”, tha kryeredaktorja e Monitor.

Në të njëjtën linjë me këto zhvillime, edhe indeksi i biznesit i Dhomës Amerikane për vitin 2025 tregoi që sipërmarrjet e mëdha në vend nuk kanë të kënaqura me ecurinë e ekonomisë.

Sipas të dhënave të publikimit, Indeksi i Biznesit të AmCham për vitin 2025 arriti në 40.34 pikë nga 100 të mundshme, duke shënuar një rënie prej 6.13 pikësh krahasuar me vlerën 46.47 që ishte në vitin 2024. Kjo është rënia më e fortë historike, që nga viti 2012, kur ka filluar të publikohet indeksi.

Perceptimet u përkeqësuan pothuajse në të gjithë treguesit kryesorë të klimës së biznesit gjatë vitit 2025. Rëniet më të theksuara u regjistruan në klimën e brendshme politike (-14.00 pikë), infrastrukturë (-12.29 pikë), performance e ekonomisë shqiptare (-11.4), burokracinë qeveritare (-9.54 pikë), korrupsion (-9.36 pikë), klima e biznesit (-9.34),  ekonominë informale (-6.08 pikë), rendin dhe sigurinë në vend (-6.17 pikë), si dhe në monopolin dhe konkurencën e pandershme (-4.85 pikë)./Monitor

The post Përkeqësimi i ekonomisë, biznesi u rrit vetëm me 1.1% në vitin 2025, niveli më i ulët nga 2012-a appeared first on Fast News Economy.

I quajtur shpesh nga media si “Tony Stark-u i jetës reale”, Musk ka krijuar kompani me synimin për të sfiduar dhe ndryshuar sektorë të konsoliduar. Shumë prej sipërmarrjeve të tij janë përballur me rrezikun e falimentimit, por më pas janë shndërruar në ndër bizneset më të vlefshme në botë.

Makina elektrike, implante në tru, tunele nëntokësore, një platformë sociale e njohur dikur si Twitter dhe një kompani raketash që sapo debutoi në bursë – të gjitha këto janë pjesë e rrjetit të gjerë të bizneseve të Musk.

Sot, Musk, personi i parë në histori që ka grumbulluar një pasuri prej më shumë se 1 trilion dollarësh, kontrollon një ekosistem të madh kompanish.

Sipas Forbes, ai u bë personi i parë që kaloi pragun e 500 miliardë dollarëve pasuri neto në tetor 2025. Suksesi i tij i parë komercial i solli vetëm 500 dollarë, ndërsa kompania e parë i siguroi 22 milionë dollarë dhe e dyta rreth 176 milionë dollarë.

Në moshën 31-vjeçare, Musk kishte fituar afro 198 milionë dollarë nga kompanitë që kishte themeluar dhe shitur. Megjithatë, pjesa dërrmuese e pasurisë së tij nuk erdhi nga shitja e bizneseve, por nga ruajtja e aksioneve të mëdha në SpaceX dhe Tesla, ndërsa vlera e tyre u rrit në mënyrë spektakolare.

Fillimet

Elon Musk lindi në Pretoria të Afrikës së Jugut në vitin 1971.

Suksesi i tij i parë komercial erdhi në moshën 12-vjeçare, kur shiti kodin burimor të një videoloje të quajtur Blastar për rreth 500 dollarë.

Sipërmarrja e parë serioze ishte Zip2, një kompani e botimeve online dhe katalogëve të bizneseve, të cilën e themeloi në vitin 1995 së bashku me vëllain e tij, Kimbal Musk. Kompania ndihmonte gazetat të publikonin online listat e bizneseve lokale dhe hartat.

Në vitin 1999, Zip2 u shit për më shumë se 300 milionë dollarë, duke i sjellë Musk rreth 22 milionë dollarë.

Me këto para ai themeloi X.com, një startup bankar online që më vonë u bë pjesë e PayPal. Në vitin 2002, PayPal u ble nga eBay për 1.5 miliardë dollarë, ndërsa Musk përfitoi rreth 176 milionë dollarë.

Kjo shitje i dha kapitalin për të financuar projektet që do të përcaktonin karrierën e tij.

Në vitin 2002 ai themeloi SpaceX, duke investuar rreth 100 milionë dollarë nga fondet e veta. Dy vite më vonë investoi rreth 80 milionë dollarë në Tesla, ku më vonë mori drejtimin si CEO.

Në vitin 2006, së bashku me kushërinjtë e tij, Lyndon dhe Peter Rive, ai ndihmoi në krijimin e SolarCity, e cila më vonë u ble nga Tesla.

SpaceX: kompania me vlerë mbi 2 trilionë dollarë

Kur Musk themeloi SpaceX në vitin 2002, ai besonte se kishte më pak se 10% mundësi për sukses.

Sot, më shumë se dy dekada më vonë, SpaceX është një nga kompanitë më të vlefshme në botë. Debutimi i saj në bursë këtë muaj ishte oferta publike fillestare më e madhe në histori, duke e vlerësuar kompaninë në rreth 1.75 trilionë dollarë. Vetëm pak ditë më vonë, kapitalizimi i saj tregtar kaloi 2 trilionë dollarë dhe arriti në 2.43 trilionë dollarë.

Përveç raketave, SpaceX zotëron edhe Starlink, i cili gjeneroi 4.4 miliardë dollarë fitim operativ vitin e kaluar.

Kompania është gjithashtu në qendër të ambicieve të Musk në inteligjencën artificiale përmes lidhjeve me xAI dhe platformën sociale X>.

Megjithatë, jo të gjitha bizneset e tij janë fitimprurëse. xAI raportoi humbje operative prej 6.4 miliardë dollarësh vitin e kaluar, ndërsa SpaceX vetë regjistroi humbje operative prej 2.6 miliardë dollarësh.

Mbështetësit argumentojnë se vlera e kompanisë reflekton lidershipin e saj në teknologjinë hapësinore, komunikimet satelitore dhe inteligjencën artificiale. Kritikët, nga ana tjetër, thonë se një pjesë e madhe e kësaj vlere mbështetet në objektiva shumë ambiciozë afatgjatë, si qendrat e të dhënave në orbitë dhe kolonizimi i Marsit.

Tesla: basti mbi autonominë dhe robotikën

Musk drejton Tesla-n që prej vitit 2008 dhe ka mbikëqyrur transformimin e saj nga një prodhues i vogël automjetesh elektrike në një nga kompanitë më të vlefshme në botë.

Në vitin 2024, Tesla humbi vendin si prodhuesi më i madh i automjeteve elektrike sipas shitjeve, duke u tejkaluar nga kompania kineze BYD.

Megjithatë, Musk vazhdon të argumentojë se e ardhmja e Tesla-s nuk qëndron vetëm te shitja e makinave. Ai po fokusohet te teknologjia e drejtimit autonom dhe krijimi i flotave të taksive robotike pa shofer.

Një tjetër projekt i rëndësishëm është roboti humanoid Optimus, i cili sipas Musk mund të përdoret në të ardhmen në shtëpi dhe vende pune.

Tesla është gjithashtu aktive në energjinë diellore dhe ruajtjen e energjisë përmes baterive, pas blerjes së SolarCity në vitin 2016. Aktualisht, vlera e saj në treg arrin rreth 1.5 trilionë dollarë.

Neuralink: lidhja mes trurit dhe kompjuterit

Në vitin 2016, Musk bashkëthemeloi Neuralink, ku gjithashtu mban postin e CEO-s.

Kompania po zhvillon teknologji që synon të lidhë drejtpërdrejt sistemin nervor të njeriut me kompjuterët. Neuralink ka nisur prova klinike me persona që vuajnë nga dëmtime të shtyllës kurrizore, ALS dhe sëmundje të tjera neurologjike.

Në janar, kompania njoftoi se kishte 21 pjesëmarrës në testime në mbarë botën.

Mbështetësit besojnë se teknologjia mund të ndihmojë një ditë n.ë rikthimin e komunikimit dhe lëvizshmërisë për njerëzit me aftësi të kufizuara të rënda.

The Boring Company: vizioni për transportin nëntokësor

E themeluar në vitin 2016, The Boring Company është sipërmarrja e Musk për ndërtimin e tuneleve.

Projekti i saj më i njohur është Vegas Loop, një sistem transporti nëntokësor që përdor automjetet Tesla për të transportuar pasagjerë ndërmjet destinacioneve të ndryshme në Las Vegas.

Kompania pretendon se teknologjia e saj mund të ulë kostot e projekteve nëntokësore dhe të reduktojë trafikun urban. Ajo ka shpallur gjithashtu plane për projekte të ardhshme në qytete si Dubai dhe Nashville.

Megjithatë, biznesi është përballur me kritika dhe shqetësime nga rregullatorët dhe grupet ambientaliste për çështje që lidhen me sigurinë dhe ndikimin mjedisor të disa prej projekteve të tij./Business Mag

The post Perandoria e biznesit e Elon Musk, kompanitë që qëndrojnë pas njeriut më të pasur në botë appeared first on Fast News Economy.

Në deklaratën për mediat pas mbledhjes së qeverisë, Ibrahimaj sqaroi se nismat janë pjesë e Kapitullit 6 të negociatave me BE-në, që trajton të drejtën e shoqërive, dhe synojnë krijimin e një kuadri ligjor të harmonizuar me acquis-in europian.

Sipas ministres, qeveria po përgatit një paketë me nëntë ligje, e cila pritet të përmbyllet brenda muajit korrik. Këto ndryshime do t’u krijojnë shoqërive tregtare shqiptare mundësi dhe kushte të barabarta me ato të vendeve anëtare të Bashkimit Europian.

Njëri prej projektligjeve të miratuara përcakton për herë të parë kuadrin ligjor për statutin e shoqërive europiane, ndërsa dy të tjerët rregullojnë funksionimin e shoqërive europiane të bashkëpunimit dhe grupimeve ekonomike me interes europian.

Ibrahimaj theksoi se projektligjet do t’i kalojnë Kuvendit për shqyrtim gjatë korrikut, ndërsa pjesa tjetër e paketës ligjore është gati dhe pret miratimin përfundimtar nga institucionet e Bashkimit Europian përpara se të depozitohet në Parlament.

Sipas saj, paketa do të lehtësojë bashkëpunimin e bizneseve shqiptare me kompanitë europiane, do të krijojë mundësi për pjesëmarrje në projekte të përbashkëta dhe do të sigurojë trajtim të barabartë për shoqëritë tregtare shqiptare në përputhje me legjislacionin e BE-së.

The post Brenda korrikut, paketa me 9 ligje për harmonizimin e biznesit shqiptar me BE-në appeared first on Fast News Economy.

Kur gjërat nuk shkojnë në mënyrën si do të dëshironit, ndodh sepse shpesh ju keni humbur fokusin e asaj se çfarë me të vërtetë ka rëndësi. Por fokusimi në të vërtetat themelore mund të jetë e vështirë, veçanërisht kur ato ju kujtojnë se ju po shkoni në drejtimin e gabuar.

Gjërat më të mira në jetë nuk vijnë lehtë, dhe dështimi për të vëzhguar veten me kujdes është një rrugë e sigurtë drejt mediokritetit. Besoj se Sokrati e tha më së miri: “Nuk ia vlen të jetosh jetën e pakontrolluar’”.

Deklarata e Sokratit aplikohet në biznes gjithashtu. Kur Eric Schmidt ishte kryeshef ekzekutiv i Google tha: “Ne drejtojmë këtë kompani për pyetje, jo përgjigje’’.

Jeta dhe biznesi gjithashtu drejtohen nga pyetjet, jo përgjigjet. Ju duhet të pyesni veten rregullisht se a jeni në drejtimin e duhur.

Shumë nga të vërtetat themelore të jetës duhen përsëritur. Ne kemi nevojë për rikujtues për të na ndihmuar neve të qëndrojmë të fokusuar në to. Mbani këto të vërteta dhe është e sigurtë që do ju japin shtytje.

1.Suksesi i madh shpesh paraprihet nga dështimi

Kurrë nuk do të përjetoni suksesin e vërtetë deri sa të mësoni të pranoni dështimin. Gabimet e juaja shtrojnë rrugën tuaj për të pasur sukses duke zbuluar se jeni në rrugën e gabuar.

Zbulimet më të mëdha vijnë kur ju ndiheni më së shumti të irrituar dhe të ngecur. Është ky irritim i cili ju detyron të mendoni ndryshe, ‘’të shikoni jashtë kutisë’’ dhe të gjeni zgjidhjen të cilën e keni humbur.

Suksesi ka nevojë për durim dhe aftësi për të mbajtur qëndrim të mirë edhe kur vuani për atë që besoni.

2. Të jeni të zënë nuk do të thotë se jeni produktivë

Shikoni të gjithë përreth jush. Ata të gjithë duken të zënë, duke vrapuar nga një takim në tjetrin dhe duke lexuar emaile. Sa prej tyre janë me të vërtetë produktivë, dhe a po kanë sukses?

Suksesi nuk vjen nga lëvizja dhe aktivitetet. Vjen nga fokusi, duke u siguruar se koha juaj përdoret në mënyrë efikase dhe produktive.

Ju keni numrin e njëjtë të orëve në ditë si të gjithë tjerët. Përdorni në mënyrë të mençur. Pas të gjithash, ju jeni produkti i prodhimit tuaj, jo përpjekjeve. Sigurohuni që përpjekjet e juaja dedikohen ndaj detyrave të cilat marrin rezultate.

3. Ju jeni aq të mirë sa ata me të cilët shoqëroheni

Ju duhet të përpiqeni të rrethoni veten me njerëz të cilët ju inspirojnë, njerëz të cilët duan të ju bëjnë më të mirë. Dhe me siguri ju bëni këtë. Por çfarë të themi për ata njerëz të cilët ju tërheqin poshtë? Pse i lejoni ata të jenë pjesë e jetës tuaj?

Çdokush që ju bën të ndiheni të pavlerë, të shqetësuar ose të pafrymëzuar janë duke humbur kohën tuaj, dhe me shumë mundësi duke ju bërë si veten. Jeta është shumë e shkurtër për t’u shoqëruar me njerëz të tillë. Largoni ata nga jeta juaj.

4. Ju po jetoni jetën të cilën e keni krijuar

Ju nuk jeni viktimë e rrethanave. Askush nuk mund të ju detyrojë të merrni vendime dhe veprime të cilat janë kundër vlerave dhe aspiratave tuaja.

Rrethanat në të cilat po jetoni sot janë tuajat, ju i keni krijuar ato. Gjithashtu, edhe e ardhmja juaj varet nga ju. Nëse po ndiheni të ngecur, kjo po ndodh me siguri sepse keni frikë të merrni rreziqet e nevojshme për të arritur qëllimet dhe të jetoni ëndrrat tuaja.

Kur është koha të merrni veprime, kujtohuni që është gjithmonë më mirë të jeni në fund të shkallëve në të cilat dëshironi të ngjiteni se sa në krye të atyre që nuk dëshironi të jeni

5. Frika është burimi i parë i pendimit

Kur gjithçka është thënë dhe është bërë, ju do të ndjeni më shumë keqardhje për shanset të cilat nuk i keni shfrytëzuar se sa për dështimet tuaja. Mos u frikësoni të ndërmerrni rreziqe.

Unë shpesh dëgjoj njerëzit duke thënë, ‘’Cila është gjëja më e keqe që mund të të ndodhë? A do të të vrasë?’’ Prapë, vdekja nuk është gjëja më e keqe që mund të të ndodhë.

Gjëja më e keqe është të lejosh veten të vdesësh përbrenda derisa je ende gjallë.

6. Nuk keni nevojë për kërkimfalje për të falur

Jeta bëhet më e këndshme kur largoni mërinë dhe falni edhe ata të cilët nuk ju kanë kërkuar falje kurrë. Mëria lejon ngjarjet negative nga e kaluara juaj të shkatërrojnë lumturinë e sotme. Urrejtja dhe zemërimi janë parazitë emocionalë të cilët shkatërrojnë gëzimin në jetën tuaj.

Emocionet negative të cilat vijnë duke mbajtur mëri krijojnë stres, dhe stresi mund të ketë pasoja shkatërruese për shëndetin. Studiuesit në Emory University kanë treguar se stresi kontribuon në shtypje të lartë të gjakut dhe sëmundje të zemrës.

Kur falni dikë, nuk do të thotë që të harroni veprimet e tyre; thjesht ju liron nga të qenit viktima e tyre e përjetshme.

7. Jetoni momentin

Nuk mund të arrini potencialin tuaj të plotë deri sa të mësoni të jetoni në të tashmen.

Asnjë sasi e fajit nuk mund të ndryshojë të kaluarën, dhe asnjë sasi e ankthit nuk mund të ndryshojë të ardhmen. Është e pamundur të jeni të lumtur nëse vazhdimisht jeni diku tjetër, duke mos qenë në gjendje që të pranoni realitetin( të mirë ose të keq) tërësisht të këtij momenti.

Për të ndihmuar veten të jetoni momentin, duhet të bëni dy gjëra:

Të pranoni të kaluarën. Nëse nuk bëni paqe me të kaluarën, nuk do ju lërë kurrë dhe duke vazhduar kështu, do të krijojë të ardhmen tuaj.

Pranoni pasigurinë e të ardhmes. Brengosja nuk ka vend këtu. Si Mark Twain që dikur tha, ‘’Brengosja është si të paguash një borxh të cilin nuk e keni’’.

8. Vetë-vlerësimi juaj duhet të vijë nga brenda

Kur ndjenjat tuaja të kënaqësisë vijnë duke krahasuar veten me të tjerët, nuk jeni më pronarë të fatit tuaj. Kur ndiheni mirë për diçka që e keni bërë, mos i lejo mendimet dhe arritjet e askujt t’a largojnë këtë nga ju.

Përderisa është e vështirë të ndalosh reagimet se çfarë të tjerët mendojnë për ju, nuk keni nevojë të krahasoni veten me të tjerët. Në këtë mënyrë, pa marrë parasysh se çfarë njerëzit mendojnë ose bëjnë, vetë-vlerësimi vjen nga brenda. Varësisht se çfarë njerëzit mendojnë për ju në një moment të veçantë, një gjë është e sigurtë, ju nuk jeni kurrë aq të mirë ose të këqinj sa ata thonë që jeni.

9. Jeta është e shkurtër

Asnjërit prej nesh nuk i është garantuar e nesërmja. Por prapë, kur dikush vdes papritur na bën të shikojmë jetën tonë me vëmendje: çfarë është me të vërtetë e rëndësishme, si e kalojmë kohën tonë dhe se si i trajtojmë njerëzit.

Kujtojani vetes çdo mëngjes kur zgjoheni se çdo ditë është një dhuratë dhe se ju jeni gati të shfrytëzoni të gjitha bekimet që iu kanë dhënë. Në momentin që ju filloni të jetoni sikur jeta të ishte një bekim është momenti që do të filloni të veproni si i tillë.

Pas të gjithash, një ditë e mirë fillon me mendime të mira.

10. Ndryshimi është i paevitueshëm, pranojeni atë

Vetëm kur të pranoni ndryshimet mund të gjeni të mirat në të. Duhet të keni mendje të hapur dhe të hapni krahët nëse dëshironi të njihni mundësitë që ndryshimet krijojnë.

Ju do të dështoni nëse vazhdoni të bëni gjërat e njëjta me shpresën se duke injoruar ndryshimin do t’a bëni atë të largohet.

Pas të gjithash, definicioni i papërgjegjshmërisë po bën gjënë e njëjtë vazhdimisht dhe pret rezultat ndryshe.

Jeta nuk ndalon për askënd. Kur gjërat shkojnë mirë, vlerësoni dhe shijoni ato, sepse ato janë gati për të ndryshuar. Nëse gjithmonë po kërkoni më shumë, diçka më të mirë, që mendoni se do ju bëjë të lumtur, nuk do të jeni kurrë mjaftueshëm prezent për t’i shijuar momentet e mira para se atë to largohen.

PËRFUNDIMI

Duke qëndruar i fokusuar dhe duke bërë pyetjet e vështira mund të jetë shumë e papërshtatshme. Por ne nuk mësojmë dhe as nuk rritemi duke qëndruar në gjëra të rehatshme.

The post 10 “të vërteta” që ju ndihmojnë në jetë dhe biznes appeared first on Fast News Economy.

Sipas njoftimit zyrtar, aplikimet do të pranohen nga data 15 maj deri më 5 qershor 2026, ndërsa procesi synon tatimpaguesit që janë subjekt i Tatimit mbi të Ardhurat e Korporatave dhe Tatimit mbi të Ardhurat Personale nga Biznesi.

Për të përfituar nga kjo marrëveshje, subjektet duhet të plotësojnë një sërë kriteresh ligjore. Mes tyre përfshihet ushtrimi i aktivitetit ekonomik në Shqipëri, realizimi i të ardhurave bruto mbi 14 milionë lekë gjatë vitit të kaluar tatimor, mungesa e detyrimeve të papaguara apo të padeklaruara, si edhe mungesa e proceseve të ankimit administrativ ose hetimeve penale në fushën tatimore.

Administrata Tatimore sqaron se nuk do të pranohen subjekte që janë dënuar me vendim të formës së prerë për mashtrim tatimor, pastrim parash apo fshehje të ardhurash, si edhe ato që realizojnë projekte koncesionare.

Tatimpaguesit duhet të paraqesin kërkesën në rubrikën “Çështjet e mia” në sistemin “e-filing”, duke ngarkuar dokumentacionin përkatës, përfshirë formularin e aplikimit, vërtetimet nga Prokuroria dhe Drejtoria e Apelimit Tatimor, dëshmitë e penalitetit dhe vetëdeklarimet e kërkuara nga ligji.

Sipas procedurës, Administrata Tatimore do të shqyrtojë aplikimet dhe do të komunikojë vendimmarrjen elektronikisht brenda 5 ditëve kalendarike, por jo më vonë se 10 qershor 2026.

Më pas, subjektet e miratuara duhet të dorëzojnë dokumentin e nënshkruar pranë Drejtorisë Rajonale Tatimore përkatëse deri më 15 qershor 2026, fizikisht ose përmes sistemit online.

Ndërkohë, tatimpaguesit që kanë deklaruar rideklarim të pasqyrave financiare për vite të mëparshme do të duhet, deri më 30 qershor 2026, të kryejnë pagesat përkatëse të tatimit, të dorëzojnë pasqyrat e korrigjuara financiare dhe të paraqesin sqarimet mbi ndryshimet e reflektuara.

Administrata Tatimore u ka bërë thirrje të gjithë tatimpaguesve që plotësojnë kushtet ligjore të aplikojnë brenda afatit të përcaktuar, duke theksuar se aplikimet pas datës 5 qershor 2026 nuk do të merren në shqyrtim./Business Mag

Formularët e aplikimit i gjeni këtu

The post Marrëveshja e Paqes Fiskale, ja dokumentet dhe formularët që kërkohen appeared first on Fast News Economy.

Projektligji parashikon që pagesat mes bizneseve, por edhe mes bizneseve dhe institucioneve shtetërore, të kryhen brenda 30 ditëve. Vetëm në raste të veçanta afati mund të zgjatet deri në 60 ditë.

Ndryshimet ligjore përcaktojnë edhe kamatvonesat. Nëse pagesa nuk kryhet brenda afatit, interesi për vonesën do të nisë automatikisht, pa pasur nevojë për procedura shtesë apo paralajmërime. Në relacion argumentohet se vonesat në pagesa kanë dëmtuar sidomos bizneset e vogla dhe të mesme, duke krijuar probleme me likuiditetin dhe konkurrencën në treg.

Një tjetër pikë e re është afati i procedurave të verifikimit apo kolaudimit të mallrave dhe shërbimeve. Sipas draftit, këto procedura nuk duhet të zgjasin më shumë se 30 ditë, me qëllim shmangien e zvarritjeve artificiale të pagesave.

Projektligji parashikon edhe përshpejtim të procedurave gjyqësore. Për faturat e pakundërshtuara nga pala debitore, gjykata duhet të lëshojë urdhrin e ekzekutimit brenda 90 ditëve.

Sipas Ministrisë së Ekonomisë, ndryshimet synojnë të krijojnë më shumë siguri për bizneset dhe të frenojnë praktikën e pagesave me vonesë, që prej vitesh konsiderohet një nga problemet kryesore të tregut shqiptar.

The post Qeveria ndryshon ligjin, vendos 30 ditë afat për kryerjen e pagesave. Kamatvonesa për vonesat appeared first on Fast News Economy.

Fuqizimi i gruas në biznes, ka treguar se, ndikimi i saj shkon përtej përmirësimit të situatës së saj financiare, duke dhënë një impact të fortë në mjedisin social.

Falë mbështetjes së BERZH Këshilla për Bizneset e Vogla, financuar nga Europian Union, këtë vit do të kenë mundësi të marrin pjesë në 4 mastërklasa themelore për zhvillimin e biznesit, të paktën 70 startupe.

Ky është viti i katërt që BERZH, mbështet gratë sipërmarrëse përmes programit të qendrës Kallz.

Qendra Kallz, është lehtësues i certifikuar nga Ministria e Sipërmarrjes dhe Agjensia e Startupeve prej 5 vitesh.

Programi parashikon punë të dedikuar në grup me 70 startupe dhe sesione të dedikuara me 10 startupet finalist, të cilët do të prezantojnë idetë dhe nismat e tyre para investitorëve potencialë.

Ardiola Hristiç, menaxhere e “Këshilla për Bizneset e Vogla”, BERZH, thotë se, “Përmes programeve të Këshillimit për Bizneset e Vogla në Shqipëri, BERZH mbështet në mënyrë të vazhdueshme sipërmarrjet e drejtuara nga gratë, duke kombinuar këshillimin e specializuar me përmirësimin e aksesit në financë, një faktor kyç për rritjen dhe qëndrueshmërinë e tyre.

Fokusi ynë është të rrisim konkurrueshmërinë përmes inovacionit, transformimit dixhital dhe zhvillimit të sektorëve me potencial si agrobiznesi dhe turizmi, duke i kushtuar vëmendje të veçantë grave dhe të rinjve sipërmarrës. Këtë e bëjmë duke lehtësuar lidhjen e bizneseve të drejtuara nga gratë me burime financimi dhe instrumente mbështetëse”

Përmes Masterclass-ave që do të zhvillohen gjatë programit njëmujor, startupet do të përfshihen në procese praktike, si: Ndërtimi i Planit të Biznesit, Konsolidimi i produktit, Fushata e Marketingut dhe Pitching Presentation. 10 bizneset që realizojnë përparim më të dukshëm, futen në një fazë mentorimi dhe përgatitje për prezantim në eventin final.

Prej vitesh, ekipi i Këshilla për Bizneset e Vogla të BERZH, me financim të donatorëve të ndryshëm, ka dhënë një kontribut të rëndësishëm për rritjen e SME-ve në të gjithë vendin, në sektorë të ndryshëm si dhe për zhvillimin e ekosistemit të startupeve./Vaspas

The post BERZH mbështet qendrën Kallz në përgatitjen e startupeve për nisjen dhe fuqizimin e biznesit të tyre appeared first on Fast News Economy.