Një nga masat e para shtrënguese që u morën kundër përhapjes së koronavirusit, natyrisht ishte dhe mbyllja e disa emisioneve, ku televizionet kanë vendosur që të shmangin publikun në sallë dhe të ftuarit në studio.
Pjesë e kësaj skeme është dhe moderatorja Albana Osmani, ku së fundmi ndjekësit e kanë pyetur se cdo të ndodhë me programin “Dua të të bëj të lumtur?”
Ajo i ka kthyer përgjigje me anë të një postimi në rrjetet sociale, ku I ka shpjeguar se emisioni do të rikthehet kur situata të jetë përmirësuar.
“Për të gjithë ata që më pyesin çdo ditë, çdo orë e çdo minutë @duatetebejtelumtur.tch do të kthehet në ekran sapo situata të jetë qetësuar dhe kushtet të jenë të favorshme dhe ambjenti i sigurt për personazhet dhe punonjësit tanë”, shkruan moderatorja.
