Situata pranë shkollës “Petro Nini Luarasi” në Tiranë, ku banorët e një shtëpie, e cila rrezikonte të shembej nga IKMT, u konfliktuan më policinë është dënuar gjerësisht.
Sot kryeministri Edi Rama, në rubrikën “Përgjigjja ime”, i është përgjigjur Emës, një qytetareje që kërkon reagim për familjet që po përzihen nga ato banesa.
Ai deklaroi më tej se pati skena të panevojshme dhe se sjellja e policisë nuk ishte as dinjitoze dhe as efikase por efektivët u sollën si trup pa kokë.
Përsëri ai akuzoi mediat dhe portalet për provoking irritimin e njerëzve pa dhënë informacione.
“E dashur Ema nuk e di çfarë di lidhur me ngjarjen e djeshme në pragun e banesës përveç videove dhe fotove të ofruara nga kanalet e portalet në kërkim të audiencës duke provokuar irritimin e njerëzve pa dhënë informacione.
Jam informuar me detaje për atë histori.
Jam kontaktuar nga banorët e asaj shtëpie kohë më parë. Pala tjetër e ka fituar me gjyq, ndërsa të zotët e kanë humbur të drejtën për të qëndruar në atë banesë. A është i drejtë vendimi i gjykatave? Ajo çka qeveria mund të bëjë dhe kjo qeveri është e para që po e bën është ta reformojë sistemin e drejtësisë dhe ta bëjë të denjë për fëmijët tanë. Ky çlirim kërkon mund, durim, kohë. Por ajo që kjo qeveri s’mund të bëjë është të bëjë gjykatësin e vendimit të gjykatë.
Vendimet e gjykatës me ligj ekzekutohen nga përmbarimi dhe kur kërkon ndihmën e policisë së Shtetit, policia është e detyruar ta ndihmojë. Policia dje zbatoi ligjin dhe pikë. Por nga ana tjetër siç u pa qartë edhe pse prania e policisë ishte kërkesë e ligjit, nuk ishte as dinjitoze dhe as efikase. U krijuan skena të panevojshme, me njerëz që shtriheshin në rrugë dhe policë që s’dinin ç’të bënin si trup pa kokë. një mësim i mirë për policinë e shtetit, reagimi dinjitoz i ministrit të brendshëm”,deklaroi Rama.
