Djegia e mandateve nga opozita ka bërë që në Parlament të krijohen vende bosh. Ky është rasti i artë për disa deputetë, të cilët po e presin prej kohësh këtë mundësi, ndërkohë të tjerë i janë bashkuar krerëve duke mos e pranuar mandatin.
“Opozita e re” në Parlament do të ketë 11 deputetë. KQZ miratoi mandatin e dy kandidatëve të PD, Ligoraq Karamelos dhe Alban Zenelit. Ky i fundit vendosi të pranojë mandatin në një lëvizje beftë, vetëm pak ditë pasi u shfaq përkrah Bashës në protestën e 5 marsit.
Sakaq, vendimi i Karamelos është kundërshtuar nga organizata minoritare greke në Shqipëri, OMONIA, e cila tregon vendim personal i Karamelos është i kundërt me atë që kanë marrë strukturat e OMONIA-s.
Ndërkohë, 14 kandidatë të tjerë nuk kanë dorëzuar brenda afatit formularin e dekriminalizimit dhe rrjedhimisht nuk mund të fitojnë mandatin e deputetit.
Kandidatët që kanë hequr dorë nga mandati janë Taulant Zeneli, Sindi Daiu Nada Krypa, nga PD, Elbasan, Denisa Vata nga PD, Peshkopi, Mirela Tabaku, Gert Bogdani, Barbara Doda, Ina Haxhija, Matilda Qurku nga PD, Tiranë, Elizabeta Kurti nga PD, Fier dhe Arben Ristani nga PD, Vlorë.
Nga listat e Lëvizjes Socialiste për Integrim nuk kanë dorëzuar formularin e dekriminalizimit Erisa Xhixho, Fier, Dritan Ylli, Shkodër dhe Sokol Dervishaj, Vlorë.
