Sot rreth orës 13:00 ,në Gjykatën e Apelit të Tiranës ka nisur gjyqi për Izet Haxhinë, i dënuar me 25 vite burg për vrasjen e Azem Hajdarit.
Haxhia kërkon rihetim të çështjes nga drejtësia shqiptare. Përmes këtij apelimi i pandehuri pretendon pafajësinë.
Prokurorja Fatjona Memcaj tha se nuk ka vend për riçeljen e hetimeve dhe kërkoi rrëzimin e kërkesës.
Gjykata pritet të vendosë më 18 Mars. Vetë i pandehuri Haxhia kërkoi të dëgjohet, gjë e cila sipas tij, nuk ka ndodhur nga asnjë gjykatë.
Ai thotë se ka prova në lidhje me ngjarjen dhe se do t’i paraqesë. “Deri më sot s’jam dëgjuar nga asnjë gjykatë. Dua të dëgjohem e të paraqes provat e mia. Jam dëshmitar i dorës së parë”, thotë ai.
Kujtojmë se, Haxhia u arrestua në Turqi, ndërsa në maj të këtij viti ai u ekstradua në Shqipëri për të vuajtur dënimin me 25 vite burg që ka marrë nga të gjitha shkallët e gjyqësorit shqiptar për bashkëpunim në vrasjen e deputetit Azem Hajdari.
